2014, ഓഗസ്റ്റ് 31, ഞായറാഴ്‌ച

മഴ, the lover



മഴ പെയ്യുമ്പോള്‍ എനിക്ക്

അസൂയച്ചിറകുകള്‍ മുളക്കും.


എത്രയോ പേര്‍ക്കവള്‍ ആദ്യകാമുകി..


ആയിരം വിരലുകളാലേകും പട്ടുനൂല്‍സ്പര്‍ശo.

കാറ്റിനോട് രമിക്കുമ്പോളുള്ള അവളുടെ പകര്‍ന്നാട്ടം..

മണ്ണിലേക്കിറങ്ങിയൊടുങ്ങുന്ന അവളുടെ ചുംബനങ്ങള്‍...


മിന്നലിന്‍റെ പള്ളിവാളേന്തി അവളൊരു ചുമന്ന കോമരമാകും.

മുടിയഴിച്ചിട്ടൊരു യുവതിയാം ഭ്രാന്തി*


ജാലകങ്ങള്‍ക്കപ്പുറത്ത്,

സംഗമിക്കാന്‍ രാത്രിയെത്തുമ്പോള്‍

നിലാവുവന്ന് ഇക്കിളിപ്പെടുത്തും!


എന്‍റെ ഉറക്കം വിടുന്നു...


എനിക്കാ നീള്‍മുടി പിന്നിയിടണo.

എന്‍റെ പൈദാഹങ്ങളിലേക്ക് അവളെ ഉണര്‍ത്തണo..

ആശയുടെ ഒരായിരം കടലാസുതോണികള്‍

ആ നിറമാറിലേക്ക്‌ ഇറക്കിവിടണo.




*Raathrimazha-Sugathakumari

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ